Cyngor TAC

Cynyrchiadau Mojo

Llyr Morus (Cadeirydd TAC)

Llyr yw Rheolwr Gyfarwyddwr cwmni cynhyrchu Cynyrchiadau Mojo Productions ac mae wedi bod ar Gyngor TAC ers 2022. Dechreuodd Llyr Morus ei yrfa yn gweithio yn y byd cynhyrchu 30 mlynedd yn ôl – gan weithio i ddechrau ym maes adloniant ysgafn cyn symud i weithio ar raglenni plant ac yna i Ddrama. Fel cynhyrchydd, mae ei gredydau diweddar yn cynnwys Un Bore Mercher/Keeping Faith 3, Cyswllt, Fflam, Dal y Mellt ac Hafiach ar gyfer Vox Pictures. Mae ei yrfa wedi ei weld yn gweithio yn y sector annibynnol yn ogystal â bod yn aelod o staff BBC Cymru a BBC Studios. Mae Llyr yn eiriolwr brwd dros ddatblygu talent o fewn y diwydiant.

Iestyn Garlick - Llywydd Anrhydeddus

Mae gan Iestyn Garlick yrfa eang fel actor, cynhyrchydd a chyflwynydd teledu. Mae Iestyn hefyd wedi cael ei adnabod fel ‘llais y Stadiwm’ yn gwneud cyhoeddiadau mewn gemau rygbi rhyngwladol yn Cymru ers y 90au cynnar, cyn gorffen yn 2025.

Gwnaeth Cyngor TAC benodi Iestyn yn Llywydd Anrhydeddus TAC er mwyn cydnabod ei waith, ymroddiad a’i gyfraniad sylweddol i TAC a’r sector cynhyrchu annibynnol yng Nghymru. Rôl y Llywydd Anrhydeddus yw cefnogi nodau ac amcanion TAC a sicrhau proffil mor uchel â phosib i TAC yn y byd darlledu. Mae Iestyn hefyd yn Gadeirydd ar Is-bwyllgor Technegol a Gweithredol TAC.

(Aelod Cyfetholedig) - Afanti Media

Emyr Afan

Rondo

Gareth Williams

Mae Gareth wedi bod yn Brif Weithredwr Rondo Media ers 2008.  Mae Rondo yn un o gwmnïau cynhyrchu annibynnol mwyaf Cymru gyda chanolfannau cynhyrchu yng Nghaernarfon, Caerdydd ac Ynys Môn.  Dechreuodd Gareth ei yrfa fel cynhyrchydd dan hyfforddiant gyda’r BBC ym 1998 ac ymunodd â chwmni cynhyrchu annibynnol Opus yn 2001 lle cynhyrchodd nifer o raglenni dogfen, cerddoriaeth a digwyddiadau.   Fe'i penodwyd yn Brif Weithredwr Opus yn 2006 cyn bod yn un o gyfarwyddwyr sefydlu Rondo ddwy flynedd yn ddiweddarach.  Mae Gareth wedi gweithio fel cynhyrchydd gweithredol a chyd-gynhyrchydd cynnwys ar gyfer ystod eang o ddarlledwyr ac mae wedi bod yn rheithiwr ar gyfer y Gwobrau Emmy Rhyngwladol.  Rhwng 2018 a 2021 roedd Gareth yn Gadeirydd TAC.  Mae Gareth hefyd yn gyfarwyddwr Yeti Television ac Aria Studios.

Boom Cymru

Nia Thomas

Mae Nia yn gyfrifol am oruchwylio gweithrediadau amlddisgyblaethol grŵp Boom ac mae ganddi 30 mlynedd o brofiad cynhyrchu sydd yn rhychwantu amrywiaeth o genres, gan gynnwys plant, adloniant, ffeithiol, cerddoriaeth a digwyddiadau. 

Mae Boom yn un o grwpiau mwyaf cynhyrchu yng Nghymru. Mae Boom yn gyflogwr o tua 200 aelodau staff ac yn cynhyrchu a darparu tua 400 awr o gynnwys aml-genre yn flynyddol i ddarlledwyr yn y DU ac yn rhyngwladol, mae grŵp Boom yn gweithredu mewn amrywiaeth o sectorau, gan gynnwys cynhyrchu, ôl-gynhyrchu, effeithiau gweledol a graffeg symud. Mae credydau Boom Group yn cynnwys Y Llais (S4C); Priodas Pum Mil (S4C); Iaith ar Daith (S4C); Stwnsh & Cyw (S4C); 35 Diwrnod (S4C); Creisis (S4C); Big Zuu’s Big Eats (UKTV/Dave); Alan Carr’s Adventures with Agatha Christie (C4); Skin A&E (C5) and Hot Cakes (BBC Three/BBC Wales). 

Mae Nia yn eistedd ar fyrddau TRC, TAC a'r Gynghrair Sgrin Cymru.

(Aelod Cyfetholedig)

Sion Clwyd Roberts

Yn dilyn penodiad gan ITV a fel Pennaeth y Cyfryngau mewn cwmni cyfreithiol masnachol, ymunodd Sion â Rondo Media yn 2016 fel Cyfarwyddwr Masnachol gyda goruchwyliaeth dros bob mater cyfreithiol, cydymffurfio a materion busnes ar draws y sefydliad. Mae Rondo Media yn gwmni cyfryngau annibynnol mawr yng Nghymru gyda swyddfeydd yng Nghaerdydd, Caernarfon a Phorthaethwy. Mae Rondo Media yn cynhyrchu ystod o gynnwys chwaraeon, drama, cerddoriaeth, digwyddiadau, ffeithiol, adloniant a chynnwys wedi'i gyd-gynhyrchu ar gyfer S4C, BBC, TG4 a chomisiynwyr eraill.

Tinopolis

Angharad Mair

Cwmni Da

Bethan Griffiths

Bellach yn Rheolwr Gyfarwyddwr dros dro ers Chwefror 2025, ymunodd Bethan â Cwmni Da yn 2007, bu'n rheoli’r timau gweinyddol a chyllid cyn ei phenodiad yn Gyfarwyddwr Gweithrediadau yn 2017. Gan arwain y broses o drosglwyddo’r cwmni i fusnes sy’n eiddo i’r gweithwyr yn 2018, mae Bethan yn gyfrifol am holl agweddau gweithredol a lefel Bwrdd y Cwmni. Mae'n aelod balch o fwrdd a chyngor TAC ers 2019.

Darlun

Arwyn Evans

Arwyn Evans yw sylfaenydd a Rheolwr Gyfarwyddwr y cwmni cynhyrchu annibynnol Darlun, sy'n adnabyddus am wthio ffiniau adrodd straeon. Mae gan Arwyn gefndir cryf o wneud rhaglenni o dros ddeg mlynedd ar hugain ar draws nifer o wahanol genres. Mae Arwyn wedi bod yn aelod o Gyngor TAC ers 2023.

Chwarel

Phil Bayley-Hughes

Phil Bayley Hughes yw Cyfarwyddwr Technegol Chwarel, cwmni cynhyrchu yng Ngogledd Cymru, ac mae hefyd yn gweithio fel golygydd llawrydd. Gyda bron i dair degawd o brofiad ym maes ôl-gynhyrchu, mae’n arbenigo mewn golygu, graddio lliw, a chynllunio llif gwaith technegol effeithlon ar gyfer cynnwys darlledu a digidol. Mae wedi gweithio ar draws amrywiaeth o raglenni i ddarlledwyr yn y DU ac yn rhyngwladol, gan gynnwys S4C a'r BBC. Cyn hynny, roedd yn Bennaeth Ôl-gynhyrchu yn Antena. Mae Phil hefyd yn frwd dros gynyrchiadau stiwdio a byw, gan gyfuno mewnwelediad creadigol ag arbenigedd technegol dwfn i sicrhau cyflwyno cynnwys o ansawdd uchel ar raddfa eang ar gyfer ffeithiol a fformat adloniant.

Telesgop

Ffion Rees

Mae Ffion wedi gweithio i gwmni Telesgop yn Abertawe er 2014. Dechreuodd fel golygydd yn gweithio ar y raglen wythnosol "Ffermio" ac ar gyfresi arall i S4C, BBC a Sky Vision. Yn ogystal â golygu, mae Ffion yn gweithio fel cynhyrchydd radio ac wedi paratoi rhaglenni i BBC Radio Cymru, BBC Radio Wales a BBC Radio 2. Mae ei gwaith radio yn cynnwys rhaglen ddogfen gyda chriw a chast gwreiddiol y sioe gerdd 'Cats' yn y West End a chyfweliad arbennig gyda Sir Tom Jones, recordiwyd yn ystod y cyfnod clo, i ddathlu ei benblwydd yn 80 i BBC Radio 2. Cynhyrchodd raglen ddogfen ar effaith HIV/Aids ar gymuned y West End ac yn fwy diweddar, raglen yn edrych nol ar hanes Rhyfel Fietnam drwy'r sioe gerdd Miss Saigon. 

Mae Ffion yn Reolwr Gyfarwyddwr cwmni Telesgop ac wedi graddio o Raglen 10,000 Busnes Bach Goldman Sachs a Phrifysgol Rhydychen.

Whisper Cymru

Carys Owens

Mae Carys Owens yn entrepreneur creadigol llwyddiannus a sylfaenydd sydd bellach yn arwain Whisper Cymru, sy’n rhan o ‘The Whisper Group’. Yn hyrwyddwr arweinyddiaeth a chynrychiolaeth fenywaidd mewn teledu a chwaraeon, mae hi'n arwain tîm o 30 o bobl sy'n cynhyrchu rhaglenni dogfen arobryn a darllediadau byw mawr - gan gynnwys darllediadau llawn o Gwpan Rygbi'r Byd Menywod 2025 ar gyfer y BBC. Mae Carys yn dod â mewnwelediad gwerthfawr i ehangu cwmni cynhyrchu, denu buddsoddiad strategol, ac adeiladu model busnes cynaliadwy a chynhwysol o fewn sector cyfryngau'r DU sy'n esblygu'n gyflym. Trwy fentrau fel Academi Whisper a chreu timau cynhyrchu cynhwysol, mae hi'n parhau i ysgogi newid ar draws y diwydiannau creadigol.

Cafodd Carys ei hethol yn aelod llawn o Gyngor TAC yn yn 2025, ac mae hefyd yn aelod o Is-bwyllgor Technegol a Gweithredol TAC.

Slam Media

Aled Llyr

Mae Aled yn Gyfarwyddwr ac yn gyd-sylfaenydd cwmni Slam Media.

Dechreuodd ei yrfa ym myd darlledu yn nyddiau cynnar Derwen yn Llandeilo ym 1988 yn sylwebydd golff hefo cwmni chwaraeon Delta 4.

Yna, bu yn gyflwynydd ac ymchwilydd ar gyfresi addysg Teledu Opus ac wedi i fenter Plas Dinefwr ddod i ben - dod at gwmnïau Caerdydd - Elidir, Alfresco a nôl at Opus (wedi blwyddyn hefo Dime Goch). Ar ôl cyfnod byr ynghlwm ag Indus, sefydlwyd Slam Media yn Ionawr 2010.

Yn ystod y cyfnod hynny bu yn cynhyrchu pob math o raglenni – o rai chwaraeon, addysg, plant, adloniant, dychan, comedi, dogfen a digwyddiadau.

O Slot Sadwrn, Pelydr X, Y Brodyr Bach, Sul y Ffon a Dudley at gynyrchiadau diweddar megis Y Llinell Las, Cyfrinachau’r Llyfrgell a rhai o’n digwyddiadau torfol mwyaf ni megis Hanner Marathon Caerdydd, Ironman Cymru, Eisteddfod yr Urdd a’r Sioe Fawr yn Llanelwedd.

Bellach mae Slam yn cyflogi staff o 14 yn barhaol ac yn cynhyrchu ystod eang o raglenni mewn pob math o feysydd ar gyfer S4C, BBC, ITV a TG4.

Afanti Media

Naomi Afan Ormonde

Mae Naomi Afan Ormonde yn Gyfarwyddwr Greadigol yng nghwmni cynhyrchu annibynnol teuluol, Afanti Media. Dros y 15 mlynedd diwethaf, mae hi wedi gweithio ar draws datblygu a chynhyrchu gyda ffocws arbennig ar gynnwys ffeithiol, adloniant a fformatau digidol. Yn ystod ei hamser yn y maes datblygu, mae Naomi wedi sicrhau mynediad cystadleuol unigryw, meithrin perthnasau cadarn â thalent ar-sgrîn ac wedi datblygu fformatau adlewyrchol sy’n gwerthu’n rhyngwladol - gan arwain at rai o gomisiynau mwyaf nodedig Afanti, gan gynnwys Life Drawing Live with Joe Lycett (BBC2&4), World’s Biggest Cruise Ship (Channel 4), The Perfect Pitch (Channel 4), Y Wal Goch (S4C) a Dŵr Du / Dark Waters (S4C/BBC Cymru gyda dosbarthu rhyngwladol gan Off the Fence).

Yn fwy diweddar, mae Naomi wedi troi ei sylw at dirwedd ddigidol sy’n esblygu’n barhaus, gan ddatblygu cynigion arloesol gan ddefnyddio galluau byw Afanti a’i chyfarpar o’r radd flaenaf. Mae’r gwaith hwn yn cynnwys gwylio ffrwd byw “watchalong” ar Euro 2024, podlediadau BBC Sounds fel Nigel Owens: Dan Bwysau, a chyfres o brosiectau digidol byr a phrosiectau dan arweiniad talent - gan gynnwys y fformat cymdeithasol a enillodd Fformat Cymdeithasol Gorau yng Ngwobrau New Voices, Gŵyl Teledu Caeredin. 

Heddiw, mae Naomi yn arwain gweledigaeth greadigol Afanti, gan oruchwylio ei chynnyrch aml-genre ac yn cefnogi twf un o gwmnïau cynhyrchu annibynnol mwyaf sefydliedig Cymru. Mae Naomi hefyd yn cynrychioli Afanti mewn rhwydweithiau’r diwydiant, gan hyrwyddo creadigrwydd, cynhwysiant a’r genhedlaeth nesaf o dalent gynhyrchu yng Nghymru.